Mi Max

ဒါကတော့ Xiaomi ကနေအသစ်ထွက်လာတဲ့ Mi Max စမတ်ဖုန်းပါ ။ ဒီဖုန်းရဲ့ထူးခြားချက်ကတော့ Screen size က ၆.၄၄ လက်မရှိပြီး တနေကုန်အသုံးခံတဲ့ 4850 mAh Battery ပမာဏကြီးထည့်သွင်းပေးထားတာပါပဲ။ စျေးကလည်း မြန်မာငွေ ၂ သိန်း ၉ သောင်းဝန်းကျင်ကနေစတယ်။ Android version ကလည်းမြင့်တယ်။ MI Max ရဲ့ System ပိုင်းအနေနဲ့ (Android 6.0.1) ကိုအသုံးပြုထားတာပါ။ Mi Max ကို အမျိုးအစားသုံးမျိုးနဲ့ထုတ်လုပ်ထားပါတယ်။ RAM 3GB နဲ့ Storage 32GB ပါဝင်ပြီး Snapdragon 650 Chipset အသုံးပြုထားတဲ့ MI Max က မြန်မာငွေ နှစ်သိန်းကိုးသောင်းဝန်းကျင် ၊ RAM 3GB နဲ့ Storage 64GB ပါဝင်ပြီး Snapdragon 652 Chipset အသုံးပြုထားတဲ့ MI Max က သုံးသိန်းနှစ်သောင်းဝန်းကျင် ၊ RAM 4GB နဲ့ Storage 128GB ပါဝင်ပြီး Snapdragon 652 Chipset တပ်ဆင်ထားတဲ့ MI Max က သုံးသိန်းခွဲဝန်းကျင်ခန့်ကျသင့်မှာပါ။ သုံးရတာတော်တော်သွက်ပါတယ်။ Camera ပိုင်းအရည်အသွေးအနေနဲ့ ဖုန်းရဲ့ ရှေ့ဘက်ခြမ်း Camera က 5 Megapixel ဖြစ်ပြီး နောက်ဘက်ခြမ်း Camera ကတော့ 16 Megapixel ဖြစ်ပါတယ်။ဖုန်းရဲ့နောက်ဘက်ခြမ်းမှာ Fingerprint Sensor ကိုလည်းတပ်ဆင်ပေးထားပါတယ်။ Memory card လည်းထပ်စိုက်လို့ရပါတယ်။ SIM card ၂ ကဒ် ထည့်သွင်းအသုံးပြုနိုင်ပြီး 2G Network မှ 4G Network အထိအသုံးပြုနိုင်ပါတယ်။ အင်တာနက်သုံးမယ်ဆိုရင်လည်း Dual SIM,Dual Standby ပါပဲ။ Xiaomi ကထုတ်ခဲ့တဲ့စမတ်ဖုန်းတွေထဲမှာတော့ Mi Max က Screen မျက်နှာပြင်အကြီးဆုံးဖုန်းဖြစ်ပါတယ် ။ မြန်မာပြည်အနေအထားအနေနဲ့ဆိုရင် Android ဖုန်းတွေဝယ်ယူတဲ့အခါ Budget အနေနဲ့လည်း ကိုးသိန်းကျော်အထိသုံးမယ်ဆိုရင် Samsung ထုတ်မော်ဒယ်မြင့်ဖုန်းကိုရွေးချယ်သင့်ပြီး Budget အသင့်အတင့်နဲ့ပဲ ဖုန်းကောင်းကောင်းသုံးချင်တယ်ဆိုရင်တော့ Xiaomi ထုတ်ထဲကနေရွေးချယ်သင့်ပါတယ်။

Credit : Thet Naing Soe